quote linkedin dugout

特別企劃

短片 1 相集

球迷熱話:夢幻十一人

輯錄球迷的夢幻17/18曼城陣容

感謝球迷熱烈參與曼城之前於Facebook舉行的小遊戲,寫下自己最夢幻的曼城十一人! 原來不少球迷也偏好三中堅,而對於來季的新援大都有相當接近的看法(實在不少人提及卡爾獲加及文迪呢!)

要選出一名得奬者實在十分困難,因為不少城迷的留言都非常高質,也充分顯示到對球隊的了解,但很可惜今次的贏家只有一人,所以我們選了 Kinen Luigi Kao 贏得KDB的簽名波衫!

除了得奬的一位外,我們也另外選了幾名夠創意夠爆的陣容貼堂,大家不妨細心觀賞。

得奬者: Kinen Luigi Kao 

陣型:3-4-1-2

阿古路 加比爾捷西斯

大衛施華

辛尼 費蘭甸奴 迪布尼 貝拿度施華

史東斯 甘賓尼 奧達文迪

艾達臣

後備:巴禾、雲迪克、高拉洛夫、卡爾獲加、文迪、史達寧、耶耶托尼、法賓奴、根度簡、山齊士

龍門其實我都係最希望祖赫特返黎,不過睇怕機會好細,所以我選擇咗應該好大機會黎曼城嘅艾達臣。

後衛方面,我選擇咗三中堅陣容,唔係因為呢排好多球隊用,而係因為曼城進攻人員太出眾,用三中堅可以容納更多進攻人員。甘賓尼健康情況下絕對係正選,史東斯雖然今季表現差,但係好有潛力,都值得上陣機會。假設曼城買到雲迪克,奧達文迪同雲迪克之間好難選擇,我暫時寫奧達文迪係考慮到雲迪克可能需要啲時間適應。總之甘賓尼、史東斯、奧達文迪同雲迪克四個人三個中堅位,可以互相輪換,令四人都可以保持體力,尤其係要保持甘賓尼健康。高拉洛夫都可以留隊,不過上陣機會應該唔多啦。

邊路方面,兩個左右中場/邊翼以有兩種類型,第一種類型係進攻型,有辛尼、貝拿度施華、史達寧同租借完畢回歸嘅羅拔斯四人,第二種類型係防守型,有右閘卡爾獲加(假設買到)同左閘文迪(假設買到)。對偏弱嘅球隊可以兩個進攻型球員一齊上陣,我暫時覺得左辛尼右貝拿度施華最好,不過史達寧同羅拔斯都可以定期輪換。對強隊如果想保守少少,就可以用一個進攻型+一個防守型,例如左辛尼右卡爾獲加,甚至兩個防守型,左文迪右卡爾獲加。領先時就可以換上個防守型嘅加強防守,落後或平局時就可以換上個進攻型嘅加強進攻。

正中場方面,都係有兩種類型,第一種類型係進攻型,有近排拖後嘅迪布尼同下季應該復出嘅根度簡,第二種類型係防守型,有費蘭甸奴、應該會留隊嘅耶耶托尼同埋假設買到嘅法賓奴。我覺得一個進攻型一個防守型比較好,個人覺得迪布尼+費蘭甸奴會最好,今季18助攻嘅迪布尼唔駛講啦,選費蘭甸奴係因為耶耶托尼始終比較老,而法賓奴可能需要啲時間適應。不過為咗保持體力,兩個位置都可以定期輪換。

進攻中場方面,由於我將迪布尼放咗喺正中場,貝拿度施華放咗喺邊路,所以得返大衛施華。不過如果大衛施華需要休息,都可以將迪布尼放番上進攻中場,根度簡做正中場。

前鋒方面,終於有一個可以完美同時容納阿古路同加比爾捷西斯嘅陣型啦!不過如果山齊士真係黎曼城,山齊士實力應該勁過加比爾捷西斯嘅,不過考慮到加比爾捷西斯嘅潛力,都絕對應該俾佢唔少機會。所以最好就阿古路、加比爾捷西斯同山齊士三人互相輪換。考慮到山齊士都係未肯定黎,所以都係寫住加比爾捷西斯先。

不過考慮到以上有唔少球員都未肯定買到,所以我都應該有啲backup plan:

如果買唔到艾達臣,我最希望嘅解決方案係俾祖赫特返黎!不過如果哥迪奧拿真係唔肯,睇怕要搵另一個龍門。

如果買唔到雲迪克,可以繼續用高拉洛夫做後備中堅;用今季外租到新特蘭嘅後生仔迪拿爾;或者提拔青訓球員艾達拉比奧尤同亨夫利斯。

如果買唔到卡爾獲加,可以用青訓右閘馬菲奧。

如果買唔到文迪,可以用青訓左閘安祖連奴。

如果買唔到法賓奴,可以用青訓正中場阿歷斯加西亞。

如果買唔到山齊士,可以買另一個前鋒,例如呢排傳緊嘅麥巴比;可以繼續用伊軒拿祖做後備前鋒,不過唔知佢肯唔肯繼續做後備;可以唔買任何新前鋒,如果阿古路或者加比爾捷西斯其中一人需要休息,用辛尼、貝拿度施華、史達寧或羅拔斯客串前鋒,或者將陣型由3-4-1-2改為3-4-2-1,根度簡做正中場,迪布尼同大衛施華雙進攻中場,阿古路或者加比爾捷西斯單前鋒。



 

最FF

精選了兩位最FF的球迷,果然能跳出框框,找來巴禾當先鋒、哥帥落場踢、美斯小白艾達臣阿古路同場上陣!

Chow Chowchi

曼城來季 3-4-3 稱霸陣容!大家幫幫手,推到哥帥睇到!

前:Aguero Bravo Jesus

中:De Bruyne D.Silva Guardiola B.Silva

後:Sane Y.Toure Fernandinho

門:Hart

前綫Bravo有控球,有腳法,入球保證!是但搵兩個人幫佢,場場有球必應!!!!!!!!!!

中場哥帥復出,自己落場踢,包保執行自己足球哲學!!!!!!!!!!

後防緊係搵中場打,因為哥帥最鍾意搵中場打後!!!!!!!!!!

最後,請將Hart帶回來,謝謝。

Jeff Yau

Aguero Messi

Alexis D.Silva Iniesta B.Silva

Mendy Kompany Otamendi Walker

Ederson

Best players in the current squad plus all the big names linked to City, there you have the most fantastic/unrealistic starting XI lol

Genius - Lionel Messi has stung City three times tonight, this was the second goal.

最有心

這名球迷有想法,英文字母開頭也考慮到了,值得貼堂!

陣:3-4-3 Messi Aguero Nolito

Celina Ilkay-Gundogan Tony-Kroos Yaya-Toure 

Bonucci Eliaquim-Mangala Stones

Thibaut-Courtois

英文字母開頭 MAN CITY BES T

最大膽!

少有地這位球迷願意捨棄阿古路,大膽之作!

Jeffrey Lewis (4-5-1)

加比爾捷西斯

史達寧 迪布尼 辛尼

耶耶托尼 卡斯米路

文迪 奧達文迪 甘賓尼 獲加

祖赫特

門將:我唔夠膽話準備進城既艾達臣唔好,但一日未見到佢係英超既表現,我都唔夠膽話佢係夢幻11人,驚佢同樣變成第二個巴禾。哥迪奧拿執教下既曼城季前賽都有用祖赫特,只係教法唔岩佢,但我相信比機會Joe佢會就岩個踢法。次次係隧道叫Come On, you can do it lads既都係佢,冇人比佢更愛曼城。

後衛:曼城要既係平衡力同Physical高既後衛,文迪同獲加既身型係英超絕對成功。其中文迪既盤球同獲加既傳中同進攻都幫到曼城去打反擊。文迪進化成既奧達文迪更加係英超表現唔錯,拍埋成個前鋒咁既甘賓尼真係冇得輸。甘賓尼同奧達文迪依個組合係季尾真係成功令到曼城上番第3既位置(仲拯救埋巴禾)。

中場:卡斯文路同 YAYA既用法差唔多,防守果陣會好穩陣咁控住個波,望到隊友傳番出去,保持番哥帥要既7成控球,攻果陣又成個坦克車咁殺上去,表現大好既YAYA係依兩年都贏到唔少生日快樂。進攻就唔洗講啦,史達寧既技術睇得出依幾年進步左好多,有時又美斯上身咁,有時候係會出現好傻仔既失誤,但佢係曼城既助攻都唔少。迪布尼比得上係新Silva,比波又快又準,射遠射都成日GOAL,但有時係唔夠運中柱。辛尼係英超真係融合哂,第一場打United果陣既表現都比唔少人大讚。五個中場做到坦克車防守同靈活既進攻,相信幫到曼城唔少。

前鋒:唔好話我做咩唔要阿古路。阿古路係好,但相比之下捷西斯既表現比阿古路好。季尾幾場睇到阿古路有時開始獨食,令到全隊失左唔少機會。捷西斯既進攻好有90年代既森巴足球feel,盤球技術同速度都配合得好快,今季岩岩出戰都交出唔少球同助攻。哥帥手下既曼城要有tiki taka既戰術,做任何位置既球員都唔可以貪心,依個戰術之下加比爾捷西斯會比阿古路優勝。

——

其他不少留言也十分精彩,分析獨到,感謝大家熱列參與,我們將不定期再舉行有獎小遊戲,請密切留意曼城Facebook!

官方球迷會投稿

城迷故事Marc Luk (下): 會長生涯原是…

由曼城香港官方球迷會全力泡製的「城迷故事Marc Luk篇」來到一連三集的最終回;搞球迷會不是一件容易的事,這些年Marc 也和球迷會一同經歷過高低跌宕,也慶幸遇上不少真心同路人...

「城迷故事」系列;每一個城迷,都有獨一無二的故事

官方球迷會投稿

城迷故事Marc Luk(上)由基靈咸升班賽開始

官方球迷會投稿

城迷故事Marc Luk(中):朝聖與追星

由曼城香港官方球迷會編採的「城迷故事Marc Luk篇」的中篇;作為城迷,朝聖以及和球員近距離接觸,當然是大家的夢想...

「城迷故事」系列;每一個城迷,都有獨一無二的故事